Lidhja e Gazetarëve të shëndetit në gjimnazin “Sinan Tafaj” dhe “Qemal Stafa” në Tiranë.

Është jo vetëm kuriozitet por edhe dëshirë për të mësuar, ajo çka gjimazistëve të shkollës “Sinan Tafaj” dhe atyre të  gjimazit “Qemal Stafa” në Tiranë, u lexohej qartë në çdo pyetje që bënin në lidhje me sëmundjet seksualisht të transmetueshme dhe Abortin.

Projekti më I ri Lidhjes se Gazetarëve të Shëndetit Publik, “Media Brenda Shkollës”, mblodhi rreth 150 gjimnazistë në auditoret e këtyre shkollave, duke shënuar jo vetëm çeljen e një projekti ambicioz që mbështetet nga Agjencia Për Mbrojtjen e Shoqërisë Civile, por edhe nisjen e një serie të gjatë komunikimesh shumë frytdhënëse për të dyja palët, si për    gazetarët e Lidhjes ashtu edhe për nxënësit dhe gjimnazistët e kryeqytetit

Takimi njohës dhe ndërgjegjësues me gjimnazistët e ketyre dy shkollave, nisi më shfaqjen e dokumentarit “Pendese... pa kthim...!” , prodhim I LGSH në mbështetje me AMSHC-në.  

Në përmbajtje të këtij dokumentari paraqitet historia personale e dy të rinjve që kanë përjetuar dramën e abortit dhe prekjes nga virusi Hiv/Aids.

Mesazhet e këtyre dy të rinjve , bashkëshoqërohen me një analizë të detajuar nga ekspertë të fushës si drejtoresha e maternitetit “Koço Glozheni” Rubena Mojsiu, psikologia Lira Gjika si dhe shefja e Departamentit të Semundjeve Infektive në ISHP Silva Bino.

 

Rrëfimet  personale të personazheve në dokumentar mbërthyen vëmëndjen e të gjithë gjimanzistëve të cilët  jo vetëm prekën nga afër këtë dramë njerëzore por ballafaquan aty dhe realitetin e jetës që vetë ata jetojnë.

Asistenca e specialistes së Institutit të Shëndetit Publik, zj.Lumturi Mërkuri  dhe specialistes së Autoritetit Shëndetësor Rajonal,Vojsava Sulçe, mundësuar nga LGSH,  hapi pas transmetimit të këtij dokumentari një seancë me pyetje shumëplanëshe nga ana e gjimnazistëve.

Disa prej tyre ishin:

1.       Sa mundësi ka të mbetesh shtatzanë që në kontaktin e parë seksual?
2. ·         Çfarë ndodh nëse përdoret shpesh pilula e emergjencës?
3. ·         Si ka mundësi që personazhi në dokumentar nuk e kishte infektuar bashkëshorten me vrusin Hiv   Aids?
4. ·         Sa e realizueshme është ëndrra e personazhit në dokumentar për të patur një fëmi të tijin të painfektuar?
5. ·         Cilat janë mëtodat kontraceptive me mbrojtje maksimale dhe pa efekte anësore?

 

Këto dhe të tjera pyetje morën përgjigje të zgjeruara nga specialistet Lumturi Mërkuri dhe Vojsava Sulçe, duke përmbushur kështu çdo pasaktësi informative në djeninë e këtyre nxënësve dhe duke injektuar tek ata një vetdije të shtuar për çdo veprim me natyre abuzive në shëndetin e tyre.

 

“Të dashuroni shëndetshëm!”-ishte kjo kryefjala e të gjitha mesazheve dhe sqarimeve që specialistet përcollen në të gjitha përgjigjet e pyetjeve duke ju bërë me dije të rinjve se liritë dhe kënaqësitë e moshës,mund të kthehen në një kërcënim serioz për jetën nëse nuk meren masa mbrojtëse në çdo mardhënie seksuale.

Gjimazistët u njohën me broshurart që Lidhja e Gazetarëve të Shëndetit kishin përgatitur për Sëmundjet Seksualisht të transmetueshme dhe Abortin si dhe u pajisën me numrin e parë të revistës ,mundësuar falë mbështetjes së Agjencisë për Mbrojtjen e Shoqërisë Civile.

Projekti “Media Brenda Shkollës” synon të 

përçojë tek të rinjtë informacionin e saktë  dhe zhvillimin e aftesive të të menduarit seriozisht për të mbajtur qëndrime pozitive në mbarëvajtjen e jetës së tyre.

Porjekti  është jo fitim prurës; ka partner Institutin e Shëndetit Publik, Bashkinë e Tiranës dhe mbështetet nga Agjencina për Mbështetjen e Shoqërisë civile.